站内搜索
新帖 发表回复
收藏 

林放之﹕港英殖民政府有幾民主自由? 

林放之﹕港英殖民政府有幾民主自由?

反對派的口頭禪係:「一國兩制」崩潰,香港民主倒退,自由倒退,云云。反對派洗腦式不停無限loop,自然有班唔識歷史的細路信以為真。
但反對派根本唔願意講,港英殖民政府有幾民主自由。筆者就幫反對派補習一下歷史。
政治制度:港督任命
殖民地港督點選出來?首相自己選。
以末代港督彭定康為例,1992年,他幫英國保守黨贏得大選,自己卻落敗。首相馬卓安為了慰勞彭定康,就送他一份厚職。港督遴選過程?咩嚟㗎?
至於港督係民選領袖指派,更加係笑話。英國首相不是普選產生。英國人民只有權選下議院,上議院還有世襲議員。下議院最大黨推舉領袖擔任首相。即係首相由小圈子選舉產生。
從回歸前英國倫敦中央任命,到回歸後「港人治港」間選制度,已經是民主進步。卻成日被反對派說出「民主倒退」。殖民地港督係英國首相任命,首相由小圈子選舉產生,香港人連出句聲都唔得。又唔見反對派當時爭取真普選?
港英政府無終審權
反對派經常話,人大釋法破壞法治。不過他們沒說,殖民地時期,香港連終審權都無。
港英殖民地法律基本上根據英皇誥詔,照抄英國法律,加上殖民地本土特色。但香港沒有終審權。終審權在英國倫敦樞密院。殖民地法律點改都好,最終的釋法權同終審權,都係由英國中央話事。
香港人要打官司上訴至樞密院,去多幾次倫敦,仲要請倫敦律師。有錢就得。
反對派班律師,咁想保護香港法治,回歸前又唔知去咗邊?
100多年無民主
香港立法會,現在功能組別成日被反對派批評不民主。但他們卻不說,百多年來,議員係委任,功能組別係港英殖民地時代的產物。
1985年之前,立法會無選舉。英國剛奪得香港殖民地,1843年成立「定例局」,由港督官員自己寫法律。1850年開始委任2名富豪做委任議員。到1985年之前,立法局逐步增至50名議員,一半係官,一半係委任。100多年來,香港立法局係委任制,無民主。
國際公認,香港現在是全球最自由的地方,不論經濟或個人自由方面,比歐美國家更自由。香港人要珍惜,別將自由變成放縱,被小撮人的放縱破壞社會大眾的自由。


鏈接:https://www.facebook.com/HKInsights/posts/1378769745552228/
港英時期香港港民冇民主可言,恥辱時期。
新帖 发表回复
查看积分策略说明

快速回复主题

标题  (可选)
内容

恢复自动保存的数据